Në Iran janë hapur të premten qendrat e votimit, për herë të parë që nga protestat masive kundër qeverisë së vendit, në 2022. Zgjedhjet e së premtes konsiderohen si shumë të rëndësishme për legjitimitetin dhe mbështetjen kombëtare për udhëheqësit e Iranit, ndonëse pritet të ketë pjesëmarrje të vogël. Apatia mes votuesve mbetet e lartë, pas një periudhe trazirash të lidhur me vdekjen e një të reje ndërsa ishte në paraburgim, e arrestuar për mos vendosje të shamisë në “mënyrën e duhur”. Më shumë se 61.2 milionë njerëz kanë të drejtë vote. Në iran po mbahen dy lloj zgjedhjesh, një për deputetët e rinj parlamentarë, dhe tjetra për të zgjedhur anëtarët e Asamblesë së Ekspertëve. Asambleja zgjedh dhe mbikëqyr figurën më të fuqishme të Iranit, njëherësh komandantin e përgjithshëm të ushtrisë, liderin suprem, i cili merr vendime kyçe për votuesit, sikurse liritë sociale dhe kushtet ekonomike. Të enjten, lideri suprem i Iranit, Ayatollah Ali Khamenei, në pushtet për më shumë se tri dekada. inkurajoi votuesit të dalin në votime. Ai tha se mosdalja në zgjedhje “nuk zgjidh asgjë”. Media shtetërore ka tentuar po ahstu të inkurajojë njerëzit që të dalin dhe të votojnë duke mbajtur edicione të stërzgjatura për kandidatët.