Irani ka fituar akses në një grup pajisjesh elektronike të konfiskuara gjatë operacionit të fundit të kryer nga policia shqiptare në një kamp që i përket organizatës së muxhahedinëve MEK. Lajmin e bëri të ditur kreu i këshillit të informacionit të qeverisë iraniane, i cili postoi të hënën në Twitter se një dërgesë nga Tirana, e cila kishte mbërritur në Iran dhe përmbante disqe dhe kuti kompjuteri që i përkisnin MEK-ut. “Ekspertët iranianë janë aktualisht të angazhuar në marrjen e të dhënave nga këto pajisje dhe identifikimin e lidhjeve të grupit terrorist dhe qelizave sabotuese. Rezultatet kanë qenë premtuese deri tani”, shkroi zyrtari Iranian. Forcat e policisë shqiptare hynë në kampin e MEK, të njohur si Ashraf-3, në fshatin Manzë, më 20 qershor, pas sinjaleve të angazhimit të saj në “sulme terroriste dhe kibernetike” kundër institucioneve të huaja.