Një draft I hartuar për amnistinë penale pritet të shqyrtohet dhe të miratohet më pas në Kuvend, nga ku pritet që të përfitojnë për t’u përjashtuar nga dënimet ose ndjekja penale disa kategori të dënuarish. Projektligji parashikon përfshirjen e personave të dënuar me vendim gjyqësor të formës së prerë, me dënime deri në 3 vjet burg për burrat dhe deri në 4 vjet për gratë, përfshirë edhe format alternative të dënimit, si gjoba apo shërbimi në komunitet. Sipas këtij drafti për të dënuarit që ende vuajnë dënimin, parashikohet liri për burrat nëse u kanë mbetur deri në tre vite fënim. Kurse gratë nëse iu kanë mbetur edhe katër vite ato përfitojnë nga amnistia që përfshin gjithashtu të moshuarit, duke nisur nga 60 vjeç për burrat dhe 50 vjeç për gratë, si dhe personat që kanë qenë të mitur në kohën e kryerjes së veprës penale.