Gjykata e Posaçme vendosi të lirojë nga qelia Xhelal Rrajën. Trupa gjykuese e përbërë nga Erjon Bani, Flora Hajredinaj dhe Bib Ndreca pranuan kërkesën e Rrajës për zëvendësim të masës së sigurisë nga “arrest në burg” ne “arrest në shtëpi”. GJKKO urdhëroi që Xhelal Rraja të qëndrojë i izoluar në banesë me mbikëqyrje policore, ndërsa i ndaloi këtij të fundit komunikimin me persona të tjerë, përveç atyre me të cilën ndan banesën. Arsyeja e lirimit, u bë një operacion në zemër që Xhelal Rraja i ishte nënshtruar. Ndërkohë prokurorët e posaçëm Altin Dumani dhe Alfred Shehu kundërshtuan zëvendësimin e masës së sigurisë. Rraja u arrestua në korrik të vitit 2024, pasi ishte në kërkim për pjesëmarrje në grup të strukturuar kriminal dhe për sigurim të kushteve për të kryer vrasje. Ai është vëllai i ish deputetit socialist Rrahman Rraja dhe dyshohet se ai siguroi kushtet për vrasjen e ish deputetit Arben Ndoka, i cili ndodhet në arrati. Xhelal Rraja akuzohet në kuadër të dosjes “Revanshi”.