Irani ka finalizuar marrëveshjet për blerjen e avionëve luftarakë rusë, Sukhoi su-35 dhe helikopterëve – tha zëvendës ministri iranian i mbrojtjes për agjencinë iraniane të lajmeve Tasnim, të martën, ndërkohë që teherani dhe Moska vetëm sa po afrohen gjithnjë e më shumë, vecanërisht në fushën e mbrojtjes. Forca ajrore iraniane ka vetëm pak avionë sulmi, përfshirë avionët rusë dhe modelet e vjetra amerikane të blera para revolucionit islamik të 1979-ës. “Janë finalizuar planet për blerjen e avionëve luftarakë Su-35 dhe helikopterëve të sulmit Mil mi-28. Po ashtu do të blejmë edhe avionë trajnimi Yak 130 dhe njësi luftarake për ushtrinë e iranit.”, tha zëvendësministri i mbrojtjes Mehdi Farahi. Raporti i agjencisë iraniane të lajmeve Tasnim nuk përfshinte ndërkohë konfirmimin e lajmit nga pala ruse. Në 2018-ën, Irani tha se kishte nisur prodhimin e një avioni luftarak të prodhuar në vend, Kovsar, që do të përdorej nga forcat e armatosura. Ekspertët ushtarakë besojnë se avioni është një kopje karboni e F-5ës të parë të prodhuar në shtetet e bashkuara të amerikës, në vitet 1960.