Bashkia e Tiranës ka transformuar bllokun tjetër të banimit në Yzberish. Kryebahskiaku Erion Veliaj inspektoi përfundimin e punimeve në këtë bllok dhe u shpreh se me investimin e bërë këtu, është rritur edhe vlera e pronës së banorëve. Veliaj: “Këtu ka qenë vërtet një Kandahar. Ish komuna i jepte lejet pa menduar fare për urbanizimin. Tani që kemi mbaruar punë me shumicën e kantiereve të dhëna nga lejet e ish komunës, fillon një sistemim total nga sistemi vertikal, në sistemin horizontal. Hapësira horizontale është hapësira më demokratike. Nuk ka rëndësi nëse ke 500 m2, apo 50m2, kur zbret në tortuar, je njësoj si të gjithë të tjeret, kur del me fëmijën për dore je njësoj si gjithë të tjerët, nuk ka rëndësi ku punon, sa e ke rrogën, nga e ke prejardhjen. Deri dje kemi qenë periferi. Mund të ishte në vijë ajrore afër Tiranës, por ishte një periferi e lënë pas dore, ku ish komuna s’mendoi as për shkollë, as për kopshte, as për çerdhe”, tha Veliaj.