Edhe pse zhvillimi i Inteligjencës Artificiale është parë si një prej arritjeve më të mëdha të kohës, përparimi i saj me hapa jashtëzakonisht të shpejtë shihet me një lloj shqetësimi nga ekspertë të fushës. Inteligjenca artificiale mund të çojë në zhdukjen e njerëzimit, kanë paralajmëruar ekspertët duke përfshirë drejtuesit e OpenAI dhe Google Deepmind. Dhjetëra ekspertë e kanë mbështetur deklaratën e publikuar në faqen e internetit të Qendrës për Sigurinë e Inteligjencës Artificiale. “Zbutja e rrezikut të zhdukjes nga inteligjenca artificiale duhet të jetë prioritet global, krahas rreziqeve të tjera si pandemitë dhe lufta bërthamore”, thuhet në këtë deklaratë. Sam Altman, shefi ekzekutiv i OpenAI që krijoi ChatGPT dhe Demis Hassabis, shefi ekzekutiv i Google DeepMind,kanë mbështetur këtë deklaratë. Geoffrey Hinton, krijues i disa nga teknologjive bazë për sistemet e inteligjencës artificiale, e ka mbështetur thirrjen. Megjithatë shumë ekspertë të tjerë në mënyrë të ngjashme besojnë se frika që inteligjenca artificiale po shkatërron njerëzimin është joreale dhe një shpërqendrim nga çështje të tilla si paragjykimet në sisteme që tashmë janë problem.Shqetësimi i tyre më i madh ka qenë ideja e të ashtuquajturës inteligjencë e përgjithshme artificiale.