Bullgaria njoftoi Komisionin Europian se nuk e pranon kornizën negociuese me Maqedoninë e Veriut, që nënkuptonte fillimin e bisedimeve për anëtarësim në BE. Ministria e jashtme bullgare, përmes një letre dërguar KE-së, e bwri tw qartw se korniza negociuese nuk i siguron garancitë e nevojshme për përmbushjen e kushteve të vendosura nga Bullgaria.“Deklarata nuk paraqet një instrument ligjërisht të detyrueshëm dhe nuk siguron garancitë ligjore të kërkuara nga Bullgaria. Korniza negociuese me kërkesat tona mund të miratohet në një fazë të mëvonshme, por pa të, negociatat e anëtarësimit nuk mund të fillojnë”, thuhet në njoftimin e Ministrisë. Korniza e bisedimeve mes Maqedonisë së Veriut dhe BE-së ishte parashikuar të miratohej në takimin e ministrave të Jashtëm të vendeve anëtare, në 10 nëntor, por ky takim u shty pwr nw 17 nëntor. Sofja konsideron se kombi maqedonas dhe gjuha maqedonase ekzistojnë që nga viti 1945 dhe i fton autoritetet e Shkupit të pranojnë se kanë rrënjë bullgare.Veç kësaj, shteti bullgar kërkon që Maqedonia e Veriut të deklarojë se emri i saj i ri nuk përfaqëson pretendime territoriale në rajonin gjeografik të Maqedonisë së Veriut, si dhe të mos kërkojë njohjen e pakicës maqedonase në Bullgari. Vendimi i Bullgarisë ka shkaktuar zhgwnjim tw madh nw Shkup, autoritetet e tw cilit theksojnw se identiteti maqedonas dhe gjuha maqedonase janë një fakt dhe nuk duhet të diskutohen, e nuk shkaktojnw pretendim ndaj askujt, as tani dhe as në të ardhmen.