Pandemia e covid 19 vijon të jetë në nivele alarmante në vendin tonë. Ministria e Shëndetësisë raportoi për 13 viktima në 24 orë si pasojë e infektimit nga koronavirusi. viktimat e shënuara së fudmi janë të moshave nga 60-80 vjec. Me këto viktima numri i jetëve të humbura që nga fillimi i pandemisë në vendin tonë ka shkuar në 1393 persona. I lartë mbetet edhe numri i rasteve të reja të shënuara, ku sipas të dhënave janë 825 infektime të reja gjatë 24 orëve, si rezultat i 2960 testimeve të kryera ndaj personave të dyshuar. Tirana vijon të ketë numrin më të lartë të infektimeve të reja me covid 19, me 421 raste, 55 në Fier, 39 në Lushnje, 35 në Durrës, 29 në Kurbin, 26 në Vlorë, 23 në Sarandë, 22 në Delvinë, 20 në Elbasan, 17 në Shkodër, 16 në Berat, nga 14 raste në Kavajë, Gjirokastër, Divjakë, Kuçovë, 13 në Mallakastër, nga 9 raste në Lezhë dhe më pak raste në bashkitë e tjera të vendit. Për shkak të shtimit të infektimeve ëshët rritur edhe numri i pacientëve që po marrin trajtim në 4 spitalet covid, ku jnë duke u ndjekur 365 të sëmurë, 25 në terapi intensive nga të cilët 9 pacientë janë të intubuar. Konfirmohet se në 24 orët e fundit janë shëruar 498 qytetarë, duke e çuar numrin e të shëruarve 47,922 që nga fillimi i epidemisë, ndërsa raste aktive janë 29 677. Ndërsa numri i përgjithshëm i të prekurve që nga marsi kur u shënuan rastet e para ka shkuar në 78 992. Ministria e Shëndetësisë ka bërë edhe një herë apel që qytetarët të mos e ulin vigjilencën dhe të vijojnë të zbatojnë rregullat anti COVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19.