Shtetet e Bashkuara kanë shënuar një rekord të ri ditor nga numri i rasteve të reja me koronavirus, duke rritur shqetësimin për një përkeqësim të pandemisë me afrimin e stinës së ftohtë. Sipas gazetës The Neë York Times, më shumë se 82,000 raste u regjistruan në Shtetet e Bashkuara deri të premten në mbrëmje, duke kapërcyer me më shumë se 6,000 raste rekordin e shënuar më 16 korrik. Gazeta raportoi gjithashtu se rreth 41,000 amerikanë po kurohen në spitale, një shifër që përfaqëson një rritje prej 41% të shtrimeve në spitale nga një muaj më parë.