Numri i infektimeve të reja më covid 19 vijon të jetë i lartë. Ministria e Shendetësisë raportoi për 655 raste të reja me koronavirus gjatë 24 orëve të fundit, si pasojë e 4499 testimeve të kryera ndaj personave të dyshuar, shifër testimesh më e larta e kryer ndonjëherë në harkun kohor të 10 muajve pandemi. ashtu si në gjithë këtë periudhë epidemie, tirana vijon të mbetët vatra kryesore e përhapjes së virusit me 247 raste , 46 në Durrës, 39 në Vlorë, 35 në Fier, 29 në Lushnje, 26 në Lezhë, 24 në Elbasan, 16 në Shkodër, 15 në Sarandë, nga 14 raste në Berat dhe Kamëz, 13 në Dibër, 12 në Kurbin, nga 9 raste në Mat, Gjirokastër dhe Gramsh, nga 8 raste në Krujë, Kavajë dhe Delvinë, 7 në Bulqizë dhe më pak raste në bashkitë e tjera të vendit. Që nga fillimi i pandemisë në Shqipëri kanë rezultuar pozitiv me koronavirus 63033 persona. Nga të dhënat e kësaj të shtunë, ajo që bie në sy lidhet me uljen e numrit të viktimave, ku bëhet e ditur se janë 3 qytetarë nuk e kanë fituar betejën me COVID19: 1 qytetar nga Kavaja, 1 qytetar nga Shkodra, 1 qytetar nga Elbasani, të moshave 68-80 vjeç. Numri i përgjithshëm i viktimave ka shkuar në 1233 që nga marsi kur u shënuan viktimat e para. Në 4 spitalet COVID, po trajtohen 273 pacientë, 28 në terapi intensive nga të cilët 6 pacientë janë të intubuar. Në 24 orët e fundit janë shëruar 356 qytetarë, duke e çuar numrin e të shëruarve 37,327 që nga fillimi i epidemisë, ndërsa numri i rasteve aktive është 24 473. Ministria e Shëndetësisë u ka bërë apel qytetarëve që të respektojnë rregullat për të parandaluar përhapjen e COVID-19, duke shmangurgrumbullimet, ruajtjen e distancimit fizik; vendosjen e maskës mbrojtëse në çdo ambient jashtë shtëpisë.