Bashkimi Evropian, premtoi vitin e kaluar se 1 milionë predha artilerie do ti ofroheshin ukrainës deri në mars, në mënyrë që të zbrapste rusinë në luftë. Por, premtimi duket se nuk do të realizohet dhe këtë u detyruan ta pranonin ekspertët në konferencën e sigurisë në Mynih, këtë muaj. Arsyeja, sipas DË, qëndron tek struktura dhe funksionimi i industrisë së luftës. Megjithatë, ka shenja shprese. Industria e armatimit po i rrit kapacitetet prodhuese. Edhe bashkëpunime të reja mund t'i vijnë në ndihmë Ukrainës, psh kompania gjermane, Rheinmetall. Kjo kompani, prodhon ndër të tjera tanke për Bundesëehrin, por edhe municione për tanket kundërajrorë, Gepard që përdoren edhe në Ukrainë. Vlera e aksioneve të Rheinmetall që nga fillimi i luftës në Ukrainë është katërfishuar. Rheinmetall punon ndërkohë në disa fabrika me tre turne dhe planifikon ndërtimin e fabrikave të reja. Ndërkohë që politika, me në krye ministrin e Mbrojtjes, Boris Pistorius, kërkon që ushtria gjermane të "jetë e gatshme në rast lufte", për të zbrapsur Rusinë në rast të një sulmi të mundshëm kundër një vendi të NATO-s. Por kjo po zgjat shumë më tepër nga sa pritej për një vend si Gjermania që renditet ndër 5 eksportuesit më të mëdhenj të armëve në botë, sipas Institutit të Stokholmit, SIPRI. Sidoqoftë, ministri ukrainas për industritë strategjike, Aleksander Kamyshin, tha se po ecet përpara. Ai u takua me përfaqësues të industrisë gjermane të armatimit për të diskutuar për bashkëpunime të ndryshme. Edhe Ukraina vetë po përpiqet të prodhojë më shumë municion dhe armatime luftarake me mbështetjen e partnerëve evropianë. E ndërsa BE nuk e realizoi dot premtimin, për furnizim të shpejtë me municione, për ukrainën, Cekia ka ndërhyrë. Ministria e Mbrojtjes në Pragë dhe prodhuesit në vend kanë gjetur një zgjidhje për të furnizuar Ukrainën me granata. "Kompanitë tona kanë identifikuar 500.000 predha të kalibrit të NATO-s 155 milimetra, dhe 300.000 predha të kalibrit 122 milimetra", tha presidenti cek. Mbetet të zgjidhet çështja e financimit.