Nëntë muaj pas fillimit të shpërndarjes, vaksina anti-covid e AstraZeneca-s ka mbërritur më në fund në antarktidë. Ajo u dërgua atje këtë javë për të imunizuar 23 anëtarë të stafit që kanë mbajtur të hapur stacionin britanik të kërkimeve, Rothera, edhe gjatë dimrit polar. E kjo është edhe dërgesa më jugore e mundshme për vaksinat e zhvilluara nga universiteti i Oxfordit. Në vend të disa rasteve në një bazë kiliane, antarktida nuk ka regjistruar infeksione të tjera. Dhe agjencitë ndërkombëtare të shkencës duan që situata të vazhdojë e njëjtë. Ndërsa sezoni i ri i kërkimeve verore po afron, protokolle strikte të shëndetit do të jenë sërish në fuqi. Psh, ekipi i anijes së re polare britanike, RRS Sir David Attenborough, do të hyjë në karantinë para se ti drejtohet jugut, muajin e ardhshëm, me pajisje dhe furnizime. Ndërkohë, dërgimi i vaksinës së astrazeneka-s në Rothera ka qenë një mision jashtëzakonisht i vështirë. Një udhëtim prej 10 mijë miljesh që nisi me një fluturim të një avioni të forcave ajrore mbretërore nga Brize Norton dhe që përfshiu ndalesa në Senegal dhe ishujt Falklands. Dhe e gjithë kjo me dozat që duhej të mbaheshin në temperaturën e duhur nga 2-8 gradë celcius, në një konteiner të posacëm transporti.