Policia Metropolitane e Londrës po heton “aktivisht” pretendimet se Princi Andrew kishte urdhëruar truprojën e tij të mbrojtjes për të mbledhur informacion personal mbi akuzuesen e tij, Virginia Giuffre. Sipas email-eve të publikuara së fundmi, Andrew dyshohet se i ka dhënë truprojës së tij datën e lindjes dhe numrin e sigurimeve sociale të Giuffre — ekuivalenti amerikan i numrit kombëtar të sigurimeve në Britani. David Davies, ish-shefi i Komandës mbretërore të Mbrojtjes në Scotland Yard, deklaroi: “Ekipi që e mbrojti duhet të intervistohet, dhe e vërteta duhet të dalë njëherë e mirë. Këto pretendime janë një tjetër arsye pse autoritetet duhet të bëjnë punën e tyre siç duhet.” Email-et sugjerojnë se Princi Andreë përfshiu edhe një nga ndihmësit e mbretëreshës së ndjerë Elizabeth II në përpjekjet për të mbledhur të dhëna komprometuese ndaj Giuffre. Në një korrespondencë, Andrew pranon se “është e mundur” që të jetë fotografuar me të, megjithëse në intervistën e famshme për BBC në vitin 2019 kishte deklaruar se nuk mbaj mend të jem takuar kurrë me të. Familja e Giuffre reagoi duke thënë se zbulimet e fundit “tregojnë deri ku shkojnë disa për të diskredituar dhe shpifur mbi viktimat”, duke shtuar:E vërteta do të dalë në dritë. Sipas dokumenteve të publikuara më 26 shkurt 2011 — një ditë para publikimit të fotos ku Andreë shihej me Virginia Giuffre — princi i shkroi shefit të komunikimeve Ed Perkins, duke sugjeruar që të hetohej e kaluara e saj. Në një nga email-et, ai shkruante: Ajo duket se ka një rekord kriminal në SHBA. Kam dhënë datën e lindjes dhe numrin e sigurimeve sociale për hetim. Po atë periudhë, Andreë i shkroi edhe zëvendës sekretarit të shtypit të Mbretëreshës, duke përmendur se kishte biseduar me Jeffrey Epstein dhe Ghislaine Maxwell, përmes të cilëve pretendonte se Giuffre ishte një “gënjeshtare”. Në ditën kur fotoja u publikua, Epstein i dërgoi Andrew-t një email ku thuhej: Do të marr një deklaratë nga gjyqtari në një tjetër akuzë të Virginia-s që tregon se ajo nuk ka besueshmëri.” Nuk është konfirmuar nëse truproja veproi sipas urdhrit të Andrew, dhe nuk dihet si ai arriti të siguronte numrin e sigurimeve sociale të Giuffre — apo nëse ai informacion i ishte dhënë nga Epstein ose Maxwell. Sipas David Davies, bazuar në email-in e dërguar zëvendës sekretarit të shtypit, i cili duket autentik, ka mjaft prova që Policia Metropolitane apo çdo forcë tjetër duhet të hetojë rrethanat.