Ilir Meta, fill pasi hodhi firmën në dekretin për shpalljen e zgjedhjeve të pjesshme në 6 mars, mori rrugën drejt Shkodrës. Shumë analistë e panë këtë veprim si një nisje të fushatës. Por, në axhendë kreu i shtetit kishte edhe disa dekorime në qytet. Por nuk ka shpëtuar as nga takimi me këngëtarin popullor Bujar Qamili. Në faqen e tij zyrtare në facebook, Meta poston videon shoqëruar me fjalët “Bilbili i Shkodrës është magjik dhe nuk mund t'i rezistosh, përveçse t'i dorëzohesh talentit të tij”.