Pas arrestimit të ish-ministrit të Shëndetësisë, Ilir Beqajt me urdhër të SPAK, nën dyshimet për një skemë korrupsioni me fondet e Bashkimit Europian është shkarkuar dhe drejtoresha e kësaj agjencie, Jona Suli. Kryeministria ka shpallur të martën vendin vakant për drejtor të përgjithshëm të agjencisë që koordinon shpërndarjen e fondeve të BE. Arsyet e shkarkimit të Sulit ende nuk dihen, por pakënaqësi ndaj punës së saj kanë shfaqur në këto 7 muaj vetë kryeministr, ministrat dhe kryetarët e komisioneve parlamentare ku ajo raportonte. Ajo u emërua në krye të kësaj agjencia më 15 dhjetor të vitit të kaluar, pak ditë pasi Ilir Beqaj u mor i pandehur nga SPAK. Para këtij posti Suli ka qenë ndihmëse e Mirela Kumbaros te Ministria e Kulturës e më pas koordinatore te Bashkëqeverisja. Largimi i saj nga posti nuk lidhet me dosjen hetimore të SPAK për abuzimet me fondet e BE, ku të pandehur janë marrë Ilir Beqaj, Ermal Kurtulaj dhe Alfred Nikolla.