Kryeministri Edi Rama me anë të një statusi të gjatë në rrjetet sociale i ka uruar ditëlindjen aktorit të Portokallisë, Florjan Binaj. Në urimin e tij për aktorin Rama shkruan se është një djalë i talentuar dhe ka spikatur me krijimin e sozisë së së tij në shfaqjen më popullore e më kreative televizive, Portokalli, spektakli i rekordeve të frikshme të audiencës televizive. Rama thotë në postimine s nuk i kupton politikanët që mërziten kur i imitojnë në mënyrë gazmore, pasi sipas tij është thjeshtë art. “Arti i tyre ka pasur e ka një fuqi të butë emancipuese e lehtësuese tek ata që i ndjekin dhe Flori është mes atyre që e meritojnë t’u heqësh kapelen, për faktin domethënës se nuk bie në vulgaritetet tipike çedukative të disave brenda atij lloji. Duke i uruar sozisë time gazmore ditëlindjen dhe shëndetin, forcën krijuese e çdo mirësi e mbarësi për veten e për të dashurit e vet, uroj njëkohësisht që energjitë pozitive të Florit e të kolegëve të tij të talentuar të çdo ekrani, ta ushqejnë sa më mirë publikun në këtë kohë posaçërisht sfiduese për të gjithë”, thuhet ne postimin e Ramës.