Ish nënkryetari i Listës Serbe Millan Radoicic ka deklaratë këtë të shtunë në ministrinë e brendshme serbe sa i përker sulmit të 24 shtator në Banjskë të Zvecanit, ku një polic mbeti i vrarë dhe një tjetër i plagosur. “Ftesës së autoriteteve shtetërore të Republikës së Serbisë, Millan Radoiçiq i është përgjigjur dhe sot në orën 10, i shoqëruar nga avokati i tij, ka hyrë në ambientet e MPB-së, për të dhënë deklaratë si qytetar për rrethanat të ngjarjes tragjike në qytetin e Banjskës, herët në mëngjes të së dielës, 24 shtator 2023”, thuhet në njoftimin e Ministrisë serbe. Deri më tani ende nuk është bërë publike dëshmia e dhënë nga ana e Radoici, ndërsa lidhur me këtë, ministria e brendshe tha se Prokuroria e Lartë Publike në Beograd do të njoftohet për deklaratën e Radoiçicit në formë raporti, e cila më pas “do të ndërmarrë masat dhe veprimet e mëtejshme procedurale nën autoritetin e saj.” Radoicic, të premten mori përsipër përgjiegjësinë e sulmit në very të Ksoovës dhe menëjherë pas kësaj dha dorëheqjen nga posti i nënkryetarit të Listës Serbe - partisë më të madhe të serbëve në Kosovë. Policia e Kosovës u sulmua me 24 shtator në një pritë nga një grup i armatosur derisa po shkonte për të kontrolluar bllokimin e një rruge pranë një ure në Banjskë, ku mbeti i vrarë rreshteri Afrim Bunjaku. Sulmuesit u strehuan në manastirin e fshatit ku vazhduan konfrontimin me policinë, dhe si pasojë tre prej tyre u vranë. Tre sulmues të dyshuar janë arrestuar dhe po mbahen në paraburgim në Prishtinë. Serbia i ka mohuar akuzat e Kosovës se ajo është përfshirë në këtë sulm të cilësuar si terrorist nga autoritetet kosovare.