Raketat britanike kanë shkatërruar pajisje ushtarake ruse me vlerë 1.2 miliardë euro në vetëm një muaj luftë në Ukrainë. Pasojat shkatërrimtare të Storm Shadoë janë publikuar pasi sekretari britanik i mbrojtjes, Grant Shapps, paralajmëroi aleatët se nuk mund ti lejojnë vetes tërheqjen nga ndihmat për Ukrainën. Raketat kruiz që shkatërrojnë edhe bunkerë, goditën një nëndetëse ruse si edhe zyrat qendrore të flotës ruse në detin e zi, në shtator. Burimet thonë se këto detaje po zbulohen ndërsa kongresi amerikan po mban të bllokuara ndihmat e reja ushtarake për Kievin. “Raketat e dhëna nga SHBA kanë carë në mënyrë të përsëritur mbrojtjen ajrore ruse duke shkatërruar asete me vlerë të madhe. Në shtator, forcat ukrainase, duke përdorur pajisje të dhuruara nga britania, si Storm Shadoës, apo dronë, shkatërruan rreth 1.2 miliardë euro asete ruse. Shapps insistoi se mbështetja e Britanisë së madhe është e palëkundur dhe se rusia nuk do të fitojë kurrë në ukrainë nëse aleatët mbeten të bashkuar. “Ne nuk mund të lejojmë aktorë keqdashës si Vladimir Putin që të rrëmbejnë territore dhe të marrin mijëra jetë njerëzish, pa asnjë ndëshkim”, tha Shapps. Një ditë më parë edhe zonja e parë e Ukrainës, Olena Zelenska, paralajmëroi se Ukraina është në rrezik vdekjeprurës pa ndihmat nga jashtë.