Një ngjarje e rëndë është regjistruar mbrëmjen e së martës në Mat, ku një i ri është gjetur i pajetë pranë liqenit të Shkopetit. Ka qenë babai i viktimës që ka bërë një kallëzim në Komisariatin e Policisë Mat, duke raportuar se djali i tij 23-vjeçar nuk ishte kthyer në banesë. Menjëherë pas kallëzimit, shërbimet e Policisë nisën kërkimet për gjetjen e të riut me iniciale R. D. Pas disa orësh kërkimesh intensive, trupi u gjet pranë liqenit të Shkopetit, ndërsa dyshohet se automjeti me të cilin udhëtonte ka rënë në ujë. Për zbardhjen e plotë të ngjarjes është ngritur një grup hetimor, i cili në bashkëpunim me Prokurorinë po vijon hetimet për të sqaruar rrethanat dhe për të dokumentuar ngjarjen në mënyrë të plotë dhe ligjore.