Shtetet e Bashkuara u shprehen të gatshme të takohen me Iranin për programin e tij bërthamor dhe I lehtesuan masat kufizuese për diplomatët iranianë, të akredituar në selinë e Kombeve të Bashkuara në Nju Jork.Administrata e Joe Bidenit njoftoi po ashtu Këshillin e Sigurimit të OKB-së se ka anuluar një mekanizëm, me të cilin ish-presidenti amerikan, Donald Trump, do të rikthente të gjitha sanksionet e OKB-së kundër Iranit.Richard Mills, ushtrues i detyrës së ambasadorit të SHBA-së në OKB, tha në një letër se sanksionet që pritej të riktheheshin në gusht, “mbeten të përfunduara”.Të gjitha këto lëvizje paraqesin një ndryshim në marrëdhëniet midis Uashingtonit dhe Teheranit.Ish-presidenti Trump ka marrë një qëndrim më të ashpër ndaj Republikës Islamike, duke e akuzuar atë për nxitje të dhunës ekstremiste në Lindjen e Mesme dhe përpjekje për të zhvilluar armë bërthamore - akuza që Teherani i ka mohuar.Në maj të vitit 2018, Trump e terhoqi SHBA-në nga marrëveshja bërthamore me Iranin, e arritur në vitin 2015, dhe ka rikthyer sanksionet ekonomike kundër tij. Në përgjigje, Irani ka nisur të shkelë kushtet e marrëveshjes. Biden ka shprehur gatishmëri për t'u angazhuar me Teheranin, megjithëse këmbëngul se ai duhet të kthehet në kushtet e marrëveshjes, përpara se të diskutohet mundësia e lehtësimit të sanksioneve.