Një fluturim i Spirit Airlines mori paralajmërime të përsëritura nga kontrollorët e trafikut ajror për të "patur vëmendje" dhe për t'u "kthyer" pasi iu afrua shumë avionit të Presidentit Donald Trump ndërsa ai fluturonte për në Mbretërinë e Bashkuar për një vizitë shtetërore. "Kini kujdes. Largohuni nga iPad-i", ishte mesazhi i ashpër që iu dha pilotit të Spirit ndërsa avioni fluturoi 12.8 km, paralel, me Air Force One, avionin zyrtar të presidentit amerikan, mbi Neë York të martën. Avionët nuk ishin kurrë brenda një distance që Administrata Federale e Aviacionit do ta klasifikonte si të pasigurt, por ishin mjaftueshëm afër për të alarmuar zyrtarët. "Siguria është gjithmonë përparësia jonë kryesore", tha një zëdhënës i Spirit për CBS. Fluturimi 1300 i Spirit "ndoqi procedurat dhe udhëzimet e Kontrollit të Trafikut Ajror" dhe "u ul pa probleme" siç ishte planifikuar në Boston, tha linja ajrore. Fluturimi Spirit po udhëtonte nga Florida në Massachusetts. Sipas faqes së gjurmimit të fluturimeve Flightradar24, dy avionët po fluturonin paralel me njëri-tjetrin në një distancë prej afro 13 km dhe ishin në trajektore që mund të konvergoheshin. Administrata Federale e Aviacionit tha se hetimi paraprak tregonte se avionët kishin ruajtur distancën e kërkuar. Audioja e kontrollit të trafikut ajror e siguruar nga BBC regjistroi kontrollorët duke i thënë me urgjencë dhe në mënyrë të përsëritur Airbusit A321 të Spirit, të mbante distancën. “Kini kujdes! Spirit 1300, khehuni majtas menjëherë. Jam i sigurt se mund ta shihni se kush është. Mbajini sytë hapur, avioni ëshët i bardhë dhe blu”, dëgjohet të thotë kontrollori ajror duke iu referuar ngjyrave të jashtme të avionit të presidentit amerikan. Presidenti Trump dhe zonja e parë Melania, mbërritën në britaninë e madhe të martën në mbrëmje.