Mijëra turistë britanikë që kishin zgjedhur të pushonin në Francë, nxituan të kthehen në shtëpi në përpjekje për të evituar masat e karantinës që londra vendosi mbi Francën, që hynë në fuqi të shtunën. Izolimi 14 ditor po ashtu është i detyrueshëm edhe për ata që kthehen nga Holanda, Monako, Malta, ishujt Turks and Caicos dhe Aruba. Trenat e eurotunelit ishin të mbushur plot të premten dhe ata që udhëtonin me avionë u përballën me cmime të fryra por disa tragete shtuan kapacitetet. Franca paralajmëroi se do të merrte masa reciproke. Holanda paralajmëroi kundër udhëtimeve jo të domosdoshme në britaninë e madhe sapo kufizimet hynë në fuqi të shtunën po tha se nuk do të merrte masa reciproke. Vendet u vunë në shënjestër të masave për shkak se shkalla e infektimeve atje e kapërceu 20 rastet për 100 mijë persona për shtatë ditë radhazi.