Hungaria I ka kërkuar Bullgarisë që të heqë taksën për gazin rus, duke e kërcënuar se do të vendosë veton kundër, kur të votohet pranimi I saj në zonën Schengeën. Deklaratën e bëri ministri I Jashtëm I Hungarisë Peter Szijjarto, I cili bëri apel që të hiqet taksa e gazit rus, me të cilin ajo vazhdon të furnizohet. “Ne e kemi bërë të qartë për bullgarët, që nëse e vazhdojnë këtë masë, nëse e dëmtojnë sigurinë e zinxhirit tonë furnizues, atëherë ne do ta përdorim veton për Schengen”, ka thënë Szijjarto. Ndonëse shtetet e Evropës Perëndimore bëjnë përpjekje të mëdha për ta shmangur gazin rus, Hungaria ka marrë 4.5 miliardë metra kubë të gazit në vit, sipas një marrëveshjeje të nënshkruar me Rusinë më 2021-shin. Paralajmërimi për veto ndaj Bullgarisë vjen pas marrëveshjes së arritur të enjten në mes të vendeve anëtare të Bashkimit Evropian, që të nisen bisedimet për anëtarësim të Ukrainës në bllkun evropian. Në atë marrëveshje, Hungaria braktisi sallën, me kryeministrin Viktor Orban që konfirmoi qëndrimin e tij kundër.