Një aksident tragjik është shënuar mëngjesin e kësaj të hëne në Patridha të Verias në Greqi, ku kanë humbur jetën dy shtetase, njëra prej të cilave me shtetësi shqiptare. Aksidenti ka ndodhur rreth orës 9.40 të paradites, në km 6 të rrjetit rrugor që lidh Verian me Skydrën. Dy shtetaset, një 68-vjeçare dhe 20-vjeçarja shqiptare e identifikuar si Elisa Doka nga Tërbufi i Divjakës, kanë qenë duke pritur në stacionin e autobusit kur në rrethana që po hetohen, janë përplasur nga një makinë që drejtohej nga një 64-vjeçar, i cili humbi kontrollin e mjetit, duke bërë dalë nga rruga.