Një person i armatosur sulmoi me thikë një grup fëmijësh, që po luanin pranë një liqeni në Alpet franceze të enjten, duke lënë katër fëmijë dhe një të rritur të plagosur. I dyshuari u arrestua në vendin e ngjarjes në qytezën Annecy pas sulmit të kryer rreh orës 9:45. Një burim nga Policia franceze i tha agjencisë së lajmeve AFP se i dyshuari u kishte thënë policëve se ai ishte një azilkërkues sirian. Ministri i Brendshëm, Gerald Demanin, tha se i dyshuari ishte i arrestuar “falë reagimin të shpejtë të forcave të sigurisë”. Dy prej fëmijëve – që besohet se janë trevjeçarë – dhe i rrituri janë në gjendje kritike dhe po luftojnë për jetën në spital, tha një burim nga institucionet e sigurisë për AFP. Zyrtarët lokalë kishin raportuar më parë se gjashtë fëmijë dhe një i rritur kishin mbetur të lënduar. Presidenti i Francës, Emmanuel Macron, e dënoi krimin dhe tha se e gjithë Franca është e shokuar.