Tarifat roaming janë hequr nga 1 korriku për të gjithë qytetarët e Ballkanit Perëndimor. Marrëveshja e cila ishte dy vite që kishte nisur të zbatohej me ulje graduale të tarifave, tashmë u mundëson biseda telefonike të gjithë qytetarëve të Ballkanit, pa bërë asnjë pagesë ekstra për shërbimet e ofruara kur lëvizin jashtë shtetit të tyre.Vendet e rajonit Shqipëria, Bosnje-Hercegovina, Maqedonia e Veriut, Mali i Zi, Kosova dhe Serbisë, kishin rënë dakord për këtë marrëveshje që në vitin 2019, kur nisi edhe ulja e tarifave të bisedave telefonike në roaming deri në 80 për qind. Ndërsa faza e dytë, apo eliminimi i tërësishëm i tarifave, ishte vendosur se do të zbatohej në 1 korrik 2021. Tarifa e roamingut nënkupton telekomunikimin dhe shërbimin që qytetarët e përdorin në një shtet tjetër, nga një qendër e operatorit të telefonisë mobile. Pak kohë më parë ambasadori i BE në vendin tonë, Luigi Soreca risolli në kujtesë marrëveshjen në fjalë që pritej të hynte në fuqi e ku përfituesit do ishin të gjithë qytetartë e ballkanit “ Duhet të keni vetëm një gjë në mendje: të keni plot baterinë e telefonit tuaj”, tha ai në atë kohë përmes një postiminnë tëitter. Kujtojmë se kjo marrëveshje u mbështet dhe u mbështet nga bashimi eurippain. Heqjen e tarifave të telekomunikimit për vendet e Ballkanit Perëndimor e ka kërkuar Bashkimi Evropian, si formë lehtësimi për komunikimin mes qytetarëve. Në muajin prill të 2018 në Samitin e parë Digjital të mbajtur në Shkup, u paralajmerua ulja e çmimeve të roamingut mes vendeve të Ballkanit.