Që nga fillimi i pushtimit rus të Ukrainës, Varshava ka qenë një mbështetëse e palëkundur e Kievit. Ajo shpesh ishte e para në dërgimin e ndihmave ushtarake dhe argumentonte plot pasion se kjo mbështetje është e domosdoshme për të mbrojtur edhe vetë poloninë nga agresioni rus. Ndryshimi i tonit nga qeveria polake, për Ukrainën, është deri diku i pabesueshëm. Tani, papritur duket se thikat politike janë nxjerrë...Thuhet se ukraina duhet të jetë mirënjohëse për mbështetjen polake. Këtë javë, erdhi edhe një paralajmërim nga kryeministri polak për ndalimin e dërgimit të armëve, edhe pse të tjerë në partinë e tij nxituan të zbusnin deklaratat. Por, nuk kishte asnjë keqinterpretim të fjalëve të presidentit. Andrzej duda e krahasoi ukrainën me një njeri që po mbytet dhe që rrezikon të tërheqë edhe shpëtuesit me vete...Dhe moska, pa diskutim i mirëpriti këto deklarata. Ndryshimi i prerë në marrëdhëniet mes dy vendeve fqinje, nisi me një mosmarrëveshje për importin e grurit që mbetet e pazgjidhur. Ukraina ka nevojë të eksportojë të mbjellat dhe trajektoret tokësore janë tani kritike sepse rusia po sulmon portet në detin e zi dhe në lumin danub. Por, në përpjekje për të mbrojtur fermerët e vet, polonia nuk do të lejojë grurin e lirë ukrainas të hyjë në tregun e saj por është e gatshme që ai vetëm të lejohet të kalojë drejt pjesës tjetër të BE-së. Për partinë qeverisëse në poloni, ligj dhe drejtësi, ekuacioni është i thjeshtë: fermerët polakë nuk duan konkurencë nga gruri ukrainas dhe vetë ajo do votat e fermerëve në zgjedhjet e muajit të ardhshëm. Kievi po nxjerr tym por polonia po gëlon aktualisht nga bisedat parazgjedhore...