Policia po vijon hetimet për zbardhjen e plotë të atentatiti me tritol në Sarandë ku mbeti viktimë 58-vjeçari Isuf Jaçaj. Drejt vendngjarjes shkuan forcat xheniere, për të përcaktuar sasinë e lëndës plasëse që iu vendos mjetit që pothuajse u hskatërrua totalisht, por dhe për çdo detaj tjetrë që mund të çojë drejt identifikimit të autorëve. Ndërkohë janë sekuestruar dhe kamerat e sigurisë për të zbuluar itinerarin e lëvizjes së 58-vjeçarit si dhe vendet se ku ai mund të ketë parkuar dhe I është vendosur lënda plasëse. Viktima kishte precedentë të mëparshëm penalë dhe ishte babai i Klaus Jaçajt, i cili ndodhet aktualisht në burg, i akuzuar për “përkrahje të autorit të krimit” në një ngjarje të ndodhur më 17 korrik 2025. Gjatë asaj ngjarjeje u plagosën me armë zjarri Gëzim Hajdaraj dhe Ernest Lama, në lagjen nr. 4 të qytetit bregdetar. Katër ditë më vonë një person i maskuar vendosi një sasi eksplozivi në makinën e Klaus Jaçajt, duke e shkatërruar atë plotësisht. Ngjarja në atë kohë mbeti pa autor.