Shqipëria dhe Suedia do të kryejnë hetime dhe operacione të përbashkëta për të kapur element shqiptarë të implikuar në krime të rënda në territoret e të dy vendeve. Një gjë e tillë u kërkua nga drejtori i përgjithshëm i Policisë së Shtetit Ardi Veliu, gjatë takimit me ministrin e Brendshëm të Suedisë dhe delegacionin që e shoqëronte. Kreu i policisë shqiptare bëri prezent mënyrën e funksionimit dhe strukturën e Policisë së Shtetit dhe e njohu Ministrin e Brendshëm suedez z. Mikael Damberg, me disa tregues dhe rezultatet e arritura sidomos dy vitet e fundit, në drejtim të goditjes së krimit të organizuar, goditjes së grupeve kriminale nëpërmjet operacioneve dhe hetimeve të përbashkëta me partnerët, për uljen e krimeve ndaj personit dhe parandalimin e kultivimit dhe trafikimit të kanabisit. Gjithashtu, Drejtori i Përgjithshëm e ka njohur ministrin Damberg me rezultatet e OFL-së dhe në këtë kuadër ka propozuar që bashkëpunimi me Policinë suedeze të shtrihet edhe në hetime dhe operacione të përbashkëta, si ato që jemi duke i zhvilluar me partnerët e tjerë, pasi Policia e Shtetit tashmë është një organizatë me besueshmëri të plotë te homologët. Ministri Damberg ka vlerësuar bashkëpunimin dhe ka mirëpritur propozimin e Drejtor Veliut për ta shtrirë bashkëpunimin në hetime të përbashkëta për indivdë dhe grupe që merrem me krim të organizuar. Ai ka theksuar se pavarësisht se krimi në Suedi është në ulje po shtohen kapacitetet policore për të luftuar grupet kriminale dhe sekuestruar drogën e armët që vijnë nga vendet e tjer