Ish-kryeministri i Kosovës, Ramush Haradinaj ka thënë se ai dhe familja e tij kanë qenë në mesin e të helmuarëve në Deçan. Haradinaj ka zbuluar si ai bashkë me familjen e motrës së tij Antigonës, janë helmuar, po fatmirësisht gjendja e tyre shëndetësore është e mirë. Ai tha se ka patur simptoma por jo të mëdha, ndërsa nipërit e tij po. “Të them të drejtën nuk kam pasur simptoma të mëdha, kam pasur pak por jo të mëdha. Fëmijët e motrës Antigonës po. Shumë të afërm. Nuk është diçka që shpjegohet si gjendje”, tha ai.