Dy turistë kanë rënë nga një lartësi e konsiderueshme nga ku kanë pësuar fraktura, konkretish në vendin e njohur si ‘Syri I Ciklopit’. Ngjarja u regjistrua rreth orës 16:30, teksa dyshja ishin duke eksploruar natyrën. Në momentet kur kanë pësuar lëndime është dërguar sinjal emergjence, si dhe janë lajmëruar efektivët e policisë. Menjëherë zhvillua operacioni për shpëtimin e tyre. Për shkak të terrenit tejet të vështirë, të plagosurit u transportuan me barrela për disa metra, deri në zonën ku u vendos ambulanca. Njëri prej turistëve pësoi frakturë në gjymtyrët e poshtme e pas një trajtimi paraprak mjekësor, u transportua me helicopter drejt spitalit të Traumës. Turistët në fjalë ishin vendosur prej disa kohëshnë Shqipëri dhe po eksploronin natyrën. Sipas informacioneve kanë rrëshqitur nga një sipërfaqe toke më pas duke përfunduar disa metra më poshtë. Në momentet e para kanë tentuar të zhvendosen, por nuk ia kanë dalë, duke kërkuar ndihmën e policisë. Fatmirësisht janë jashtë rrezikut për jetën dhe nën trajtim mjekësor. Në operacion shpëtim morën pjesë një numër I madh efektivësh të policisë dhe repartit zjarrfikës.