Princi Harry u ka kërkuar qytetarëve të SHBA-së të "refuzojnë gjuhën e urrejtjes" dhe të votojnë në zgjedhjet presidenciale të nëntorit. Komentet ai I bëri së bashkë me të shoqen, Meghan Markle, në një media amerikane. Zëdhënësi I ciftit sqaroi se keto deklarata nuk i referoheshin ndonjë partie politike apo kandidati specifik, por ishin "një thirrje për mirësjellje". Votimi për presidentin e ardhshëm të SHBA-së me candidate që përfshijnë Donald Trump dhe Demokratin Joe Biden, mbahet në 3 nëntor. Duka dhe Dukesha e Sussex u shfaqën në një lidhje të drejtpërdrejtë, në dukje nga rezidenca e tyre në Kaliforni. Kjo ishte paraqitja e tyre e parë televizive që kur u shkëputën prej familjes mbretërore në muajin mars. "Ndërsa i afrohemi këtij nëntori, është me rëndësi jetike që të refuzojmë gjuhën e urrejtjes, dezinformimin dhe negativitetin në internet", tha duka I Sussex. Ai gjithashtu u kujtoi amerikanëve që të ishin të kujdesshëm me përmbajtjen e postimeve në internet."Kur e keqja është më e madhe se e mira, pavarësisht nëse e kuptojmë apo jo, per mjaft prej nesh ajo e gërryen aftësinë tonë për të pasur dhembshuri dhe për ta vendosur veten në vendin e dikujt tjetër," u shpreh ai. Duka 36 vjecar nuk do të votojë në zgjedhje sepse ai nuk ështe një shtetas amerikan, por Harry nuk ka votuar kurrë as në Mbretërinë e Bashkuar. Anëtarët e Familjes Mbretërore tradicionalisht nuk votojnë, dhe Mbretëresha është politikisht asnjanëse.