Presidenti Donald Trump hoqi mbrojtjen e Shërbimit Sekret për Kamala Harris. Sipas ligjit federal, presidentët e SHBA e marrin këtë mbrojtje për gjithë jetën, ndërsa zv.presidentët për 6 muaj. Kjo periudhë përfundoi më 21 korrik. Megjithatë, mbrojtja e saj ishte zgjatur për një vit shtesë përmes një urdhri – i cili nuk ishte bërë publik deri tani – i nënshkruar nga Presidenti Joe Biden, pak para se të largohej nga posti. Trump ka urdhëruar heqjen e mbrojtjes për Harris, duke nisur nga data 1 shtator. Anulimi i mbrojtjes së Harris vjen në një kohë që ajo po përgatitet për një turne nëpër qytetet amerikane për promovimin e librit të saj “107 Ditët” me kujtimet e përshtypjet mbi fushatën e shkurtër presidenciale. Libri do të promovohet më 23 shtator, ndërsa vendimi i Trump është cilësuar nga mbështetësit e Harris si një marketing falas për librin e saj.