Shtëpitë publike në Berlin u lejuan të hapeshin javën e shkuar, pas muajsh të mbyllura për shkak të kufizimeve nga koronavirusi, por marrëdhëniet seksuale nuk lejohen ende. Në vend të tyre, klientët që kërkojnë relaksim seksual në kryeqytetin gjerman, mund të kënaqen me masazhe erotike deri sa rregullat të zbuten sërish. Dhe nuk janë vetëm klientët ata që kanë mbetur të frustruar nga zbutja e pjesshme e rregullave. Në shtëpinë publike ku Jana punon, krevatet janë të rregulluar dhe lule të freskëta janë vendosur në vazo. Por, Jana, pret muajin e ardhshëm, kur ajo mund të ofrojë shërbim të plotë sërish… “Unë preferoj shërbimin seksual dhe klientët e mi po ashtu”, thotë ajo. Ndërsa pronarët e shtëpive publike thonë se kanë parë humbje me gjashtë shifra për shkak të mbylljes dhe tani, me rihapjen e pjesshme, duhet të investojnë akoma më shumë për të plotësuar kërkesat për koronavirusin.