Izraeli ka refuzuar sërish thirrjet e ardhura nga Këshillit i Sigurimit i OKB-së, për një armëpushim të përhershëm në luftën e Gazës. Ambasadori i Izraelit në Organizatën e Kombeve të Bashkuara, Gilad Erdadn deklaroi se përsa kohë që të ekzistojë Hmasi, do të jetë e pamundur që izraelitët të mund të mbrohen. "Kushdo që mbështet armëpushimin në thelb po mbështet vazhdimin e regjimit të terrorit të Hamasit në Gaza. Izraeli nuk do të ishte në gjendje të mbronte qytetarët e tij në një rast të tillë. Nuk mund të bëhet thirrje për një armëpushim dhe në të njëjtën kohë të pretendohet të kërkohet një zgjidhje për konfliktin”, tha ndër të tjera ambasadori izraelit, Erdan, në mbledhjen e Këshillit të Sigurisë, në OKB. Duke sjellë në vëmendje deklaratën publike të Hamasit se do të përsërisë sërish sulme të ngjashme si ai i 7 tetorit, ambasadori Izraelit tha se grupimi palestinez nuk është më një partner i besueshëm. “Hamasi ka deklaruar publikisht, se do të përsërisë sulme si ai i 7 tetorit, pa pushim, deri sa Izraeli të pushojë së ekzistuari. Si do të përgjigjeshit dhe do t'i mbronit qytetarët tuaj nga një kërcënim kaq i qartë, me një armëpushim? Hamasi ka dëshmuar se nuk ëshhtë një partner i besueshëm për të negociuar armëpushime të tilla”, tha Gilad Erdan.