Kanë kaluar më shumë se 24 orë nga atentati i dështuar ndaj Marklen Hakës dhe policia ende nuk ka mundur të identifikojë apo të arrestojë autorët. Ngjarja e cila u regjistrua pasditen e së mërkurës, ishte tentativa e tretë për të eliminuar 31 vjecarin. Këtë herë, atentatorët kishin shpresë se do ta asgjësonin shenjestrën e tyre, kjo për shkak të afërsisë me të, por edhe për faktin sepse nga 20 plumbat që u derdhën ndaj tij, njëri e preku në fytyrë. Mirëpo, Haka ja hodhi sërish dhe fatmirësisht plumbi që e preku në pjesën e nofullës, nuk rezultoi fatal për të. Menjëherë pas atentatit, ai u dërgua në spitalin e Traumës, ku mori mjekim të menjëhershëm.