“Arrest shtepie” dha gjykata e shkallës së parë në Shkoder për 4 efektivët e policisë të ndaluar me urdhër të agjensisë së mbikqyrjes policore, pasi akuzoheshin për favorizim të kultivimit të kanabisit në Velipojë. Zamir Sytari, 40 vjeç, me detyrë Shef i Stacionit të Policisë Velipojë; Arben Hoxha, 45 vjeç, me detyrë Specialist për Hetimin e Krimeve në Stacionin e Policisë Velipojë; Ergys Lohja, 34 vjeç, me detyrë Ndihmës Specialist i Policimit në Komunitet, në Stacionin e Policisë Velipojë; Hysni Beqiri, 53 vjeç, me detyrë Ndihmës Specialist i Policimit në Komunitet, në Stacionin e Policisë Velipojë, do të qëndrojnë deri në përmbyllje të plotë të hetimeve në arrest shtëpie. Akuzat e ngritura ndaj tyre u zbehen në sallën e gjyqit, kur vetë efektikët kanë treguar se kanë qënë vetë këta të fundit që kanë zbuluar parcelën me kanabis, duke kryer më pas asgjesimin e 560 bimëve. Prokurori i çeshtjes Albert Muçaj u tërhoq nga kërkesa për lënien e tyre në burg, duke pranuar arrestin shtëpiak, gjë që u pranua edhe nga kryesuesja e çeshtjes Irida Kacerja. Efektivët në fjalë u arrestuan më 17 qershor, ndërsa u akuzuan për shprërdorim detyre. Tashmë ata kanë lënë ambientet e komisariatit dhe do të qëndrojnë në shtëpi, ndërsa hetimet do të vijojnë.