Ish kreu i CIA në Moskë, gjatë një interviste për një media ruse, bëri një deklaratë të fortë, duke thënë se në Rusi kanë nisur në mënyrë sekrete lëvizjet për të organizuar një grusht shteti, që do të rrëzojë presidentin Vladimir Putin nga pushteti. Daniel Hoffman shtoi se kjo lëvizje do të jetë e menjëhershme dhe se po organizohet nga miq të afërt të Putinit. Ky i fundit tha se ky vendim erdhi për shkak të luftës që ka nisur në Ukrainë dhe kërcënimeve se ky konflikt mund të bëhet global. Hoffman, tha se nëse Putin do të mund të rrëzohet nga pushteti, ka tre kandidatë që mund të zënë vendin e tij. I pari person që mendohet të marrë kontrollin e Moskës, është shefi i Këshillit të Sigurimit të Putinit , Nikolai Patrushev. Nga ana tjetër, Alexander Bortnikov, drejtori i agjencisë sekrete të inteligjencës ruse FSB, gjithashtu mendohet të jetë një “oficer” që dëshiron të drejtojë Kremlinin. Dhe i treti mund të jetë ministri i Mbrojtjes Sergei Shoigu, një aleat i Putinit, i cili ka pasur një rol shumë të dukshëm në konfliktin e Rusisë në Ukrainë. Këto spekulime, erdhën për shkak të gjendjes shëndetësore të Putinit, i cili kohët e fundit, po aludohet se ai është sëmurë.