Greqia vazhdon të ushtrojë presion ndaj Brukselit për çështjen e Fredi Belerit. Ministri i jashtë, Jorgos Gerapetritis that ë mërkurën se dënimi i Belerit duhet të alarmojë Bashkimin Europian. Kjo çështje, tha Gerapetritis, nuk mund të trajtohet si një çështje dypalëshe mes dy fqinjëve në Ballkan, por një çështje që ngre shqetësimet në nivel europian. “Një vend që aspiron të anëtarësohet në Bashkimin Europian shkel parimet e sundimit të ligjit dhe nuk respekton të drejtat politike të qytetarëve të tij, kjo nuk është më një çështje bilaterale. Kjo është një çështje europiane dhe si e tillë duhet parë në çdo aspekt’, tha ministri grek në një intervistë për mediat në Athinë. Gerapetritis komentoi edhe dorëheqjen e Jorgo Gorso. Ai tha se mbajtja e tij në detyrë për gati një vit pasi humbi zgjedhjet vendore të 14 majit është përtej çdo koncepti europian të sundimit të ligjit dhe të së drejtës.