Greqia po planifikon të shlyejë para kohe rreth 13 miliardë euro borxh publik gjatë vitit 2026, duke synuar uljen e kostove të huamarrjes dhe të borxhit kombëtar. Plani përfshin rreth 2,5 miliardë euro kredi ndaj mekanizmave europianë dhe një obligacion prej 2,2 miliardë eurosh që skadon në vitin 2027. Sipas Ministrisë së Ekonomisë dhe Financave, shlyerjet mund të kursejnë rreth 360 milionë euro në vit dhe mbi 2 miliardë euro në shtatë vjet. Borxhi grek pritet të zbresë në rreth 137% të PBB-së në fund të vitit. Sipas Bloomberg, nëse kjo shifër konfirmohet, Greqia nuk do të jetë më vendi me borxhin më të madh në Eurozonë, por Italia që do të ketë raportin më të lartë të borxhit në Eurozonë, me rreth 138,6% të PBB-së. Athina synon të vijojë shlyerjet e parakohshme edhe në vitet e ardhshme, ndërsa rezervat e likuiditetit pritet të mbeten mbi 30 miliardë euro.