Ministrja e jashtme, Donika Gërvalla është e bindur Kosova do të bëhet një vend anëtar i Këshillit të Europës brenda disa muajve. Duek folur gjatë raportimit në komisionin parlamentar për punë të jashtme, kryediplomatja njoftoi se shpresoj dhe pres që Greqia së shpejti mund të lëvizë drejt njohjes së Kosovës. Po ashtu ajo tha se Kosova i ka siguruar votat e nevojshme dhe se nuk do të duhet shumë kohë përpara se aplikimi të kalojë nga Komiteti i Ministrave për në Asamblenë Parlamentare të Këshillit të Europës, që është dhe faza e fundit dhe përmbyllëse e këtij procesi. Sipas saj, Prishtina Ka pasur konsultime të ndryshme të Presidencës së Këshillit të Evropës me shtete të ndryshme. Ministrja e jashtme e Kosovës adresoi dhe pretendimet për tërheqjen e njohjeve të pavarësisë duke pohuar se të gjitha deklaratat e Serbisë po rrëzohen një e nga një. Ndër të tjera, Gërvalla konfirmoi se fokusi kryesor i Kosovës është anëtarësimi në NATO.