Tom Cruise ka kthyer mbrapsht 3 Globat e Artë të fituar prej tij, në shenjë proteste ndaj Shoqatës së Shtypit të Hollivudit, HFPA, një grup I vogël gazetarësh që votojnë për cmimet. Aktori, I cili ka fituar globin e artë për filmat “I lindur më 4 Korrik”, “Jerry Maguire” dhe “Magnolia”, është vetëm njëri nga të shumtët që kanë dalë kundër HFPA-së, që kur Los Angeles Times publikoi disa aludime për korrupsion dhe sjellje të pahijshme në radhët e saj, si dhe për mungesën e anëtarëve me ngjyrë. Rrjeti NBC ka bërë të ditur se nuk do ta organizojë ceremoninë e cmimeve për vitin 2022. Ata thanë se besojnë që HFPA-ja është e vendosur të bejë një reformë rrënjësore, edhe pse e dinë që kjo do të kërkojë kohë, dhe është pikërisht kjo arsyeja e pezullimit të dhënies së cmimeve, me shpresën për të rifilluar në janar të vitit 2023. Rrjeti e ka organizuar ceremoninë e Golden Globes që nga viti 1996, duke I paguar të drejtat 60 milionë $ në vit. Ceremonia e fundit, ku u shpall fitues filmi “Nomadland”, pati një rënie të audiencës prej 60%.