Shtatë është numri I personave të arrestuar në Krujë, Shkodër dhe Sarandë në orët e fundit, nën akuza të drogës. Katër ambiente të përshtatura për kultivim të bimëve narkotike me anë të llambave janë zbuluar në Krujë. Në pranga ka rënë vëllai i pronarit të një nga shtëpitë ku kultivohej kanabis, shtetasi me iniciale H.H., me lidhje miqësore me shtetasit e shpallur në kërkim si autorët kryesorë të tentativës për kultivim narkotikësh. Ata janë babai e dy djemtë, Qerim Xeka, Kledi Xeka dhe Lutfi Xeka. Nga hetimet, rezulton se ky shtetas, në bashkëpunim me 3 shtetas të tjerë, autorë të dyshuar të kultivimit të bimëve narkotike me anë të llambave, në 2 ambientet e zbuluara si rezultat i operacionit “Derveni”, të zhvilluar 2 ditë më parë, kanë përshtatur edhe këto 4 ambiente, për të njëjtën veprimtari kriminale. Në këto ambiente u sekuestruan fidanë narkotikë në vazo, pajisje elektrike dhe sende të tjera që shërbenin për kultivim të bimëve narkotike, me anë të llambave.