Top News/ Goditen gjashtë banda kriminale në Greqi/Në pranga 34 shqiptarë, sekuestrohen drogë e armë

Policia greke ka përfunduar një operacion masiv, të nisur tre ditë më parë, për goditjen e 6 grupeve kriminale të akuzuar për dhjetëra ngjarje në Greqi. Në prangat e policisë greke kanë rënë 50 persona, mes tyre 34 shtetas shqiptarë dhe janë identifikuar 187 persona të tjerë. Nga këta të fundit, 6 ndodhen të burgosur, ndërsa 1 person rezulton i ekstraduar jashtë Greqisë. Personat e identifikuar si pjesëtarë në këto grupe akuzohen për 480 vjedhje në mjetet e transportit publik dhe në vende turistike, 120 vjedhje në makina, shitje të 16.5 kg marijuhanë, 1.5 kg kokainë dhe sasive të tjera si dhe për qarkullimin e më shumë se 1500 kartmonedhave false. Ndërsa përfitimi financiar i këtyre organizatave kriminale mendohet se arrin në 1.4 milionë euro fitime.