Gjyqtarja Zamira Vyshka, e akuzuar për rryshfet në këmbim të uljes së dënimit për të burgosurit, u shoqërua paraditen e kësaj të diele në gjykatë nga forcat ‘Shqiponja’. Trupa gjykuese e Gjykatës Kundër Korrupsionit dhe Krimit të Organizuar la në fuqi masën e sigurisë ‘arrest me burg’ për avokatin Ilir Pashaj, teksa ndaj gjyqtares Zamira Vyshka u caktua masa ‘arrest shtëpie’. Xhulio Musaj dhe familjari i tij, Taulant Ramollari u lanë në ‘arrest në burg’, teksa ndaj familjarit Andrea Tirana u caktua masa e sigurisë ‘arrest shtëpie’. Në vitin 2019 Musaj dhe familjarët e tij, kërkuan ulje të dënimit me 6 muaj burg duke ofruar shumën e 200 mijë lekëve me ndërmjetës avokatin Ilir Pashajn, teksa gjyqtarja Vyshka kishte kërkuar dyfishin, pra 400 mijë lekë. Avokati mbrojtës, Ndue Pjetra e cilësoi këtë situatë, një lojë politike, duke theksuar se gjyqtarja është e pafajshme.