Gjykata më e lartë e BE-së ka vendosur që martesat e të njëjtit seks duhet të respektohen në të gjithë bllokun dhe qortoi Poloninë për refuzimin e njohjes së një martese mes dy qytetarëve të saj që u zhvillua në Gjermani. Gjykata tha të martën se Polonia kishte gabuar që nuk e kishte njohur martesën e çiftit kur ai u kthye në Poloni, me arsyetimin se ligji polak nuk lejon martesën mes njerëzve të të njëjtit seks. "Kjo shkel jo vetëm lirinë e lëvizjes dhe banimit, por edhe të drejtën themelore për respektimin e jetës private dhe familjare", tha gjykata e drejtësisë e BE-së. Në Poloninë kryesisht katolike, lufta për barazi e komunitetit LGBT+ për vite me radhë është përshkruar nga ata në pushtet si një ideologji e rrezikshme e huaj. Megjithatë, qeveria aktuale ka punuar për një projektligj për të rregulluar partneritetet civile, duke përfshirë bashkimet e të njëjtit seks. Gjykata Evropiane mori vendimin detyrues me kërkesë të një gjykate polake që trajtonte çështjen e burrave që kishin kundërshtuar refuzimin për të përfshirë certifikatën e tyre gjermane të martesës në regjistrin polak.