Gjykata e posaçme e shkallës së parë për korrupsionin dhe krimin e organizuar ka lënë në fuqi masën “Arrest me Burg” për kryetarin e bashkisë së Lushnjës Fatos Tushe. Ky i fundit kishte ndërtuar një skemë të kordinuar dhe të strukturar përfitimesh të jashtëligjshme nëpërmjet tenderit për kanale ujitëse në dy fshatrat Bishqethëm dhe Bitaj, duke shfrytëzuar detyrën si dhe duke implikuar zyrtarë të lartë të të ndërmarrjes së Pasurisë Publike në Bashkinë e Lushnjës. Mësohet se Tushe nëpërmjet mbrojtjes ka kërkuar pushim të akuzës ndaj tij si dhe heqje të arrestit. Krybashkiaku ka pretenduar se nuk ka kryer vepra penale apo ka shpërdoruar detyrën, por vetëm ka zbatuar ligjin. Më herët Prokuroria e Posaçme vendosi masën “Arrest me burg” për kryetarin e bashkisë, Fatos Tushe, administratorët e kompanive fituese të tenderave Ibrahim Lami dhe Bujar Murati si dhe zyrtarët e ndërmarrjes Flamur Peqini, Bektash Nexha, Blerta Turku dhe Gazmend Çela. Në vendimin e kësaj të enjte të Gjykatës për korrupsion dhe krim të organizuar, kjo e fundit la në fuqi vendimet e marra nga SPAK, ndërkohë administratorit të kompanisë fituese të tenderit Ibrahim Lami, masa do i komunikohet në spital. Arrestimi i Fatos Tushes dhe shkarkimi i tij nga detyra si kryebashkiak i Lushnjës nga kryeministri Edi Rama, njëherazi edhe kryetari i partisë që Tushe ka përfaqësuar prej vitesh, zbardhi një aferë korrupive dhe përfitimi me prokurimet publike të cilat sollën edhe reagimin e forte të ndërkombëtarëve për më shumë transparencë nga zyrtarët e vendit.