Për herë të parë Gjermania do të furnizojë Ukrainën me dronë luftarak. Këta dronë komandohen nga një sistem i ri i inteligjencës artificiale, ndërkohë që detaje të mëtejshme mbahen sekret. Dronët janë prodhuar nga një prodhues ukrainas dhe kompania gjermane e inteligjencës artificiale, Helsing, dhe bëhet fjalë për një lloj krejt të ri që mund të komandohet në mënyrë autonome drejt destinacionit. I programuar që më parë i ashtuquajturi dron kamikaz fluturon në mënyrë autonome për në destinacion dhe sulmon shënjestrën. Kur ai përplaset me të shpërthen dhe shkatërrohet. 4000 dronët e parë të pajisur me Inteligjencë Artificiale janë prodhuar tashmë dhe do të nisen për në Kiev. Detajet teknike dhe vendi i saktë i prodhimit mbahen sekret nga të dyja palët për arsye sigurie. Deri tani nuk ekzistojnë as foto të këtyre dronëve.