Në mes të shqetësimeve në rritje lidhur me agresionin rus dhe kërcënimet e tjera të nivelit më të ulët në mbarë Evropën, gjenerali i NATO-s, Ingo Gerhartz, tha se Gjermania duhet urgjentisht të forcojë aftësitë e saj për të frenuar si sulmet konvencionale, ashtu edhe ato hibride. Gerhartu tha nw Konferencwn qw po mbahet nw Berlin se “sfida kryesore është frenimi, dhe frenimi sot, sipas tij, duhet të jetë kundër të gjitha llojeve të shtypjes”. Ai theksoi se, për t’iu kundërvënë një numri në rritje sulmesh hibride, Gjermania ka nevojë për reforma të shpejta në prokurimin ushtarak, zbatim të shpejtë të ligjit të ri për shërbimin ushtarak dhe forcimin e gatishmërisë mbrojtëse në mbarë shoqërinë, transmeton Radio Evropa e Lirw. “Për të transformuar investimet në frenim, institucionet duhet të ndryshojnë, proceset duhet të përshtaten, dhe më e rëndësishmja, e gjithë shoqëria jonë duhet të angazhohet”, tha ai.